សព្វថ្ងៃនេះការប្រើប្រាស់កុំព្យូទ័រ (Computer) គឺមានស្ទើរតែគ្រប់ទីកន្លែង ហើយដែលមិនអាចខ្វៈបានឡើយនៅក្នុងយុគ្គសម័យឌីជីថលនេះ។ កាលពីពេលមុន អ្នកប្រើប្រាស់ទាំងអស់ត្រូវប្រើ Floppy Disk ដើម្បីធ្វើការចំលងឯកសារពីកុំព្យូទ័រមួយទៅកុំព្យូទ័រមួយទៀត ឬក៏មានតម្រូវការរក្សាទុកឯកសារជាដើម។
ក្រោយមកដោយសារបច្ចេកវិទ្យាមានការវិវត្ត Floopy Disk ត្រូវបានជំនួសដោយឧបករណ៍ USB Flash Drive វិញ។ វាមានភាពងាយស្រួល តូច និងមានទំហំធំជាង Floopy Disk ឆ្ងាយណាស់ ហើយអាចឱ្យយើងផ្ទុកទិន្នន័យបានច្រើន។ ដោយសារភាពងាយស្រួលក្នុងការប្រើប្រាស់នេះ ទើបធ្វើឱ្យយើងទាំងអស់គ្នាប្រើវា ដើម្បីចំលងឯកសារទៅវិញទៅមក ឬផ្ទុកឯកសារប្រើប្រាស់ប្រចាំថ្ងៃ។
តើលោកអ្នកមានដឹងទេថា ភាពងាយស្រួលនេះ ក៏វាផ្តល់ផលវិបាកឱ្យអ្នកប្រើប្រាស់ផងដែរ នោះគឺការចំលងមេរោគកុំព្យូទ័របានលឿនបំផុត នៅពេលដែលអ្នកដោត USB Flash Drive ចូលក្នុងម៉ាស៊ីនរបស់អ្នក។
ដើម្បីពន្យល់ការងារនេះឱ្យកាន់តែបានច្បាស់ លោក ហេង បូរ៉ាត់ នឹងធ្វើការបង្ហាញផ្ទាល់ខ្លៈៗ (Demo) ដែលទាក់ទងនិងឥទ្ធិពលក្នុងការប្រើប្រាស់ USB នឹងដំណើរការរបស់វា ហើយដំណើររបស់មេរោគគឺគ្រាន់តែដោត USB តែប៉ុណ្ណោះមេរោគនឹងធ្វើការដំណើរដោយខ្លួនឯង។
សម្រាប់នៅក្នុង USB គេដាក់មេរោគអ្វីក៏បានអាស្រ័យលើគោលដៅរបស់អ្នកវាយប្រហារ (Hacker) ប៉ុន្តែនៅក្នុងវីដីអូនេះ លោក ហេង បូរ៉ាត់ ផ្តោតមេរោគចំនួនពីរសំខាន់ៗ គឺប្រភេទមេរោគចាប់ជំរិត (ransomware) និងប្រភេទមេរោគគ្រប់គ្រងម៉ាស៊ីនកុំព្យូទ័រពីចំងាយ តាមរយៈមេរោគប្រភេទ RAT (Remote Access Trojan)។
សូមទស្សនាវីដេអូខាងក្រោម៖
សម្រាប់អ្នកដែលចង់តាមដានព័ត៌មាននៅក្នុងស្មាតហ្វូន អាចធ្វើការទាញយក App នៅក្នុង AppStore & PlayStore ។
ចូលរួមទៅក្នុងបន្ទប់ផ្តល់ព័ត៌មាន Telegram channel សម្រាប់ទទួលបានព័ត៌មានចុងក្រោយស្តីពីសន្តិសុខអុិនធឺណិតទាំងក្នុង និងក្រៅប្រទេស៖ https://t.me/infosecisac។ ចង់ផ្សព្វផ្សាយពាណិជ្ជកម្ម សូមទំនាក់ទំនង info@secudemy.com
Subscribe to our Telegram channel for the latest updates on the Cybersecurity Breaking News in both locally and internationally: https://t.me/infosecisac.
For advertising: info@secudemy.com or Phone: +855 69 690 280