ISAC Cambodia (InfoSec)
Security NewsVulnerability

Uninstall QuickTime for Windows ក្នុងពេលនេះ

កាលពីថ្ងៃម្សិលមិញនេះ ក្រុមហ៊ុន Trend Micro បានចេញនូវសេចក្តីព្រមានមួយដ៏កំរ ប្រាប់ទៅដល់អ្នកប្រើប្រាស់កម្មវិធី Apple’s QuickTime នៅក្នុងវីនដូរទាំងអស់ ឲ្យធ្វើការលប់ចោល (uninstall) នូវកម្មវិធីនេះជាបន្ទាន់តាមតែអាចធ្វើទៅបាន ពីព្រោះក្រុមហ៊ុន Apple បានបញ្ឈប់នូវការអាប់ដេតសម្រាប់កម្មវិធីនេះ ហើយស្របពេលជាមួយនឹងការរកឃើញនូវចំនុចខ្សោយថ្មីចំនួន ០២ ។

នៅក្នុងប្លុករបស់ខ្លួន ក្រុមហ៊ុន Trend Micro បានសរសេរថា “ក្រុមហ៊ុនខ្លួនបានចេញផ្សាយនូវសេចក្តីណែនាំចំនួនពីរ (០២) គឺ ZDI-16-241 និង ZDI-16-242 ដែលបង្ហាញនូវចំនុចខ្សោយស្រួចស្រាយប៉ៈពាល់ទៅដល់អ្នកប្រើប្រាស់ QuickTime នៅក្នុងវីនដូរ។ ការបញ្ចេញនូវព័ត៌មានស្តីពីចំនុចខ្សោយនេះ (Zero-Day vulnerability) គឺធ្វើឡើងស្របទៅតាមគោលនយោបាយបញ្ចេញព័ត៌មាន Zero Day នៅពេលដែល អ្នកផលិត (vendor) មិនបានបញ្ចេញនូវកម្មវិធីជួសជុល (patch) បន្ទាប់ពីមានការជូនដំណឹង ហើយក៏ព្រោះតែក្រុមហ៊ុន Apple មិនបានធ្វើការ អាប់ដេតតទៅទៀតឡើយសម្រាប់ QuickTime នៅក្នុងវីនដូរ ជាហេតុធ្វើឲ្យចំនុចខ្សោយទាំងពីរនេះ គឺនឹងមិនទទួលបាននូវការជួសជុលឡើយ ។”

ក្រុមហ៊ុន Trend Micro បានបន្តទៀតថា ខ្លួនមិនទាន់ឃើញមានការវាយប្រហារខ្លាំក្លាណាមួយដែលបណ្តាលមកពីចំនុចខ្សោយទាំងនេះទេក្នុងពេលបច្ចុប្បន្ន។ ប៉ុន្តែជាមធ្យោបាយតែមួយគត់ដើម្បីការពារប្រព័ន្ធវីនដូរកុំឲ្យរងការវាយប្រហារ គឺត្រូវតែលុបចោលកម្មវិធី Apple QuickTime ។ ក្នុងន័យនេះ កម្មវិធី QuickTime for Windows គឺបន្ថែមទៅលើកម្មវិធី Windows XP និង Oracle Java 6 ដែលគឺជាប្រភេទកម្មវិធីមិនទទួលបាន ការអាប់ដេតជួសជុលចំនុចខ្សោយតទៅទៀតឡើយ ហើយហានិភ័យគឺមានការកើនឡើងជាលំដាប់ ដោយសារតែចំនុចខ្សោយត្រូវបានគេឃើញជាបន្តបន្ទាប់ ។

យោងទៅតាម Trend Micro បានឲ្យដឹងថា ក្រុមហ៊ុន Apple បានផ្តល់អនុសាសន៍ឲ្យធ្វើការលុបចោល (uninstall) QuickTime នេះផងដែរ។

ប្រភព៖ Trend Micro / ប្រែសម្រួល៖ SecuDemy.com

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button