ក្នុងពិភពសាយប័រដែលកំពុងវិវត្តន៍យ៉ាងឆាប់រហ័ស ការយល់ដឹងអំពីប្រភេទផ្សេងៗនៃតួអង្គសាយប័រគឺមានសារៈសំខាន់សម្រាប់ការអនុវត្តសន្តិសុខដែលមានប្រសិទ្ធភាព។ តួអង្គសាយប័រគឺជាបុគ្គល ឬក្រុមដែលអនុវត្តសកម្មភាពគ្រោះថ្នាក់ ឬមិនមានការអនុញ្ញាតនៅក្នុងលំហឌីជីថល ដោយបំផ្លាញ ឬគំរាមកំហែងដល់ទ្រព្យសម្បត្តិឌីជីថល ប្រព័ន្ធនិងទិន្នន័យ។ ការគំរាមកំហែងទាំងនេះមានលក្ខណៈស្មុគស្មាញ និងពង្រីកជាបន្តបន្ទាប់ ដោយទាមទារឱ្យមានការយល់ដឹងស៊ីជម្រៅអំពីរបៀបដែលតួអង្គទាំងនេះធ្វើប្រតិបត្តិការ និងអ្វីជាការលើកទឹកចិត្តរបស់ពួកគេ។
ការកំណត់អត្តសញ្ញាណ និងការចាត់ថ្នាក់តួអង្គសាយប័រមិនមែនជាកិច្ចការងាយស្រួលនោះទេ ព្រោះថាព្រំដែនរវាងប្រភេទផ្សេងៗគ្នាអាចរួមបញ្ចូលគ្នាយ៉ាងរលូន និងកំពុងវិវត្តន៍ជាបន្តបន្ទាប់ ដោយសារកត្តាជាច្រើនរួមមានការរីកចម្រើនផ្នែកបច្ចេកវិទ្យា ភូមិសាស្ត្រនយោបាយ និងលក្ខណៈសកលនៃលំហសាយប័រ។ ភាពស្មុគស្មាញនេះត្រូវបានសង្កត់ធ្ងន់ដោយចំណុចសំខាន់ៗខាងក្រោម៖
១. រចនាសម្ព័ន្ធបត់បែន៖ តួអង្គឧក្រិដ្ឋជនអាចធ្វើប្រតិបត្តិការទាំងក្នុងនាមជាបុគ្គល និងជាក្រុមមានរចនាសម្ព័ន្ធ
២. ការប្រែប្រួលតួនាទី៖ ក្រុមសកម្មជនហេគឃ័រ (hackivist) អាចប្រែក្លាយទៅជាប្រតិបត្តិការដែលគាំទ្រដោយរដ្ឋ ឬផ្តល់សេវាកម្មដល់ក្រុមឧក្រិដ្ឋ
៣. ការវិវត្តយ៉ាងលឿន៖ គំរូប្រតិបត្តិការ និងសមត្ថភាពបច្ចេកទេសកំពុងវិវត្តយ៉ាងឆាប់រហ័ស
៤. ភាពមិនច្បាស់លាស់៖ ភាពមិនច្បាស់លាស់ក្នុងការសម្គាល់អត្តសញ្ញាណ និងការដាក់ការទទួលខុសត្រូវនៅក្នុងវិស័យសាយប័រ
ទោះបីជាមានភាពស្មុគស្មាញនេះក៏ដោយ វាជាការចាំបាច់ក្នុងការបែងចែកប្រភេទតួអង្គសាយប័រ ដើម្បីបង្កើតជាយុទ្ធសាស្ត្រការពារប្រកបដោយប្រសិទ្ធភាព។ តួអង្គនីមួយៗមានគោលបំណង យុទ្ធសាស្ត្រ និងកម្រិតនៃធនធានខុសៗគ្នា ដែលជះឥទ្ធិពលដល់របៀបដែលពួកគេធ្វើការវាយប្រហារ។
ប្រភេទសំខាន់ៗនៃតួអង្គសាយប័ររួមមាន៖
១. ឧក្រិដ្ឋជនសាយប័រ: បុគ្គល ឬក្រុមដែលមានការលើកទឹកចិត្តជាចម្បងដោយផលចំណេញផ្នែកហិរញ្ញវត្ថុ ឬសម្ភារៈ។
២. ភ្នាក់ងារ Advance Persistant Threat (APT): ឧបត្ថម្ភដោយរដ្ឋាភិបាល ដែលប្រតិបត្តិការដើម្បីផលប្រយោជន៍ភូមិសាស្ត្រនយោបាយ ការស៊ើបការណ៍ ឬការបំផ្លិចបំផ្លាញ។
៣. សកម្មជនហេគឃ័រ និងតួអង្គដែលមានការជំរុញតាមនយោបាយ: បុគ្គល ឬក្រុមដែលធ្វើប្រតិបត្តិការសាយប័រ ដើម្បីជំរុញរបៀបវារៈសង្គម នយោបាយ ឬសាសនា។
៤. ការគំរាមកំហែងពីខាងក្នុង: បុគ្គលដែលប្រើប្រាស់សិទ្ធិចូលដំណើរការដោយស្របច្បាប់របស់ពួកគេដើម្បីធ្វើឱ្យប៉ះពាល់ដល់អង្គភាពពីខាងក្នុង។
ការយល់ដឹងអំពីភាពខុសគ្នារវាងអ្នកគំរាមកំហែងសាយប័រ និងឧក្រិដ្ឋជនសាយប័រគឺមានសារៈសំខាន់។ អ្នកគំរាមកំហែងសាយប័រជាទូទៅសំដៅលើអ្នកវាយប្រហារដែលមានបំណងផ្តល់ផលប៉ះពាល់អវិជ្ជមានលើប្រព័ន្ធឌីជីថល ខណៈពេលដែលឧក្រិដ្ឋជនសាយប័រជាទូទៅសំដៅលើអ្នកដែលប្រព្រឹត្តឧក្រិដ្ឋកម្មឆ្លងកាត់ប្រព័ន្ធឌីជីថលសម្រាប់ផលចំណេញផ្ទាល់ខ្លួន៕
តើអ្នកយល់យ៉ាងដូចម្តេច?
JOIN: https://t.me/OUPNarith
ប្រភពរូបភាព៖ បង្កើតដោយបញ្ញាសប្បនិម្មិត
