GeneralSecurity News

U.S. Charges North Korean Spy Over WannaCry and Sony Pictures Hack

ក្រសួងយុត្តិធម៌សហរដ្ឋអាមេរិក (Department of Justice) បានធ្វើការចោទប្រកាន់ប្រឆាំងទៅនឹងមន្ត្រីចារកម្មកូរ៉េខាងជើងដែលជាប់ពាក់ព័ន្ធទៅនឹងការវាយប្រហារដោយមេរោគ WannaCry និងក្នុងឆ្នាំ ២០១៤ ទាក់ទងទៅនឹងការហេគចូល Sony Pictures Entertainment។

យោងទៅតាមមន្រ្តីរដ្ឋាភិបាលជាច្រើនអ្នកដែលត្រូវបានដកស្រង់សំដីដោយ NY Times ហើយជិតស្និតទៅនឹងបញ្ហានេះបានឲ្យដឹងថា ការចោទប្រកាន់នេះធ្វើឡើងចំពោះលោក Park Jin Hyok ដែលធ្វើការឲ្យទីភ្នាក់ងារចារកម្មរបស់កងទ័ពកូរ៉េខាងជើងមានឈ្មោះថា Reconnaisance General Bureau (RGB)។

នាខែវិច្ឆិកា ឆ្នាំ២០១៤ ក្រុមហ៊ុន Sony Picture Entertainment ត្រូវបានហេគជាសារសងសឹកដែលក្រុមហ៊ុនមួយនេះបានផលិតខ្សែភាពយន្តបែបកំប្លែងមួយមានចំណងជើងថា “Interview” ដែលក្នុងនោះមានអ្នកការសែតពីររូបដែលត្រូវបានជ្រើសរើសដោយ CIA ដើម្បីទៅ ធ្វើឃាតទៅលើមេដឹកនាំកូរ៉េខាងជើង (Kim Jong Un)។ ក្នុងខែមិថុនា ឆ្នាំ២០១៤ រដ្ឋាភិបាលទីក្រុងព្យុងយ៉ាងក៏បានធ្វើការប្រកាសនៅក្នុងលិខិតមួយផ្ញើរទៅកាន់អគ្គលេខាធិការអង្គការសហប្រជាជាតិ Ban Kim-moon ថា ខ្សែភាពយន្តមួយនោះគឺមានលក្ខណៈគាំទ្រទៅដល់សកម្មភាពភេរវកម្ម ក៏ដូចជាសកម្មភាពសង្គ្រាមផងដែរ។

ការហេគចូលក្រុមហ៊ុន Sony Pictures គឺជាមហន្តរាយដ៏ធ្ងន់ធ្ងរមួយរបស់ក្រុមហ៊ុន ដែលក្នុងនោះបានលួចយកទិន្នន័យសំងាត់ប្រមាណជា 200GB ដោយរួមមានខ្សែភាពយន្តថ្មីៗមិនទាន់បញ្ចាំង ទិន្នន័យរបស់បុគ្គលិក និងលេខទូរស័ព្ទរបស់តួកុនជាច្រើន ។ ក្នុងនោះផងដែរ៏មានការលុបទិន្នន័យ ៧០ភាគរយពីក្នុងកុំព្យូទ័ររបស់ក្រុមហ៊ុន (ពីម៉ាស៊ីនមេ និងម៉ាស៊ីនរបស់បុគ្គលិក) ហើយដែលក្រោយមកត្រូវបានបញ្ចេញដោយ WikiLeaks។

ក្នុងពេលនោះ រដ្ឋាភិបាលអាមេរិកបាននិយាយថា ខ្លួនបានរកឃើញប្រភពនៃការវាយប្រហារចេញមកពីកូរ៉េខាងជើង ដោយមិនបានបញ្ចេញឈ្មោះរបស់ហេគឃ័រឡើយ។

ក្នងពេលនេះ មន្រ្តីរដ្ឋាភិបាលចំនួនបីរូបដែលស្និតនឹងបញ្ហានេះបាននិយាយថា ក្រសួងយុត្តិធម៌អាមេរិកមានផែនការក្នុងការប្រកាសជាសាធារណៈ ចោទប្រកាន់ទៅលើឈ្មោះ Park Jin Hyok ឬ Pak Jin Hek ដែលមានការពាក់ព័ន្ធជាមួយនឹងក្រុម Lazarus Group ផងដែរ។​​

Lazarus Group គឺជាក្រុមអ្នកវាយប្រហារ ឬចោរបច្ចេកវិទ្យាដែលត្រូវបានគាំទ្រដោយរដ្ឋាភិបាលកូរ៉េខាងជើង ហើយដែលជាប់ពាក់ព័ន្ធទៅនឹងករណីធំៗមួយចំនួនដូចជា ការព្យាយាមលួចលុយ $1Billion ពីធនាគារ Bangladesk នៅក្នុងឆ្នាំ២០១៦ និងឆ្នាំ២០១៧ ទាក់ទងទៅនឹង WannaCry ransomware ។

លោក Hyok ធ្វើការនៅក្នុងប្រទេសចិនចាប់ពីឆ្នាំ២០១១ រហូតទៅដល់ឆ្នាំ២០១៣ ប៉ុន្តែបានត្រលប់ទៅធ្វើការនៅក្នុងកូរ៉េខាងជើងវិញមុនពេលដែលមានការវាយប្រហារទៅលើក្រុមហ៊ុន Sony Pictures ក្នុងខែវិច្ឆិកា ឆ្នាំ២០១៤។ ការចេញដីការចាប់ខ្លួនគាត់ត្រូវបានចេញនៅក្នុងខែមិថុនា ២០១៨ ប៉ុន្តែទើបតែធ្វើការបញ្ចេញនាប៉ុន្មានថ្ងៃនេះប៉ុណ្ណោះ៕

Park Jin Hyok Charges by on Scribd

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button