OpenAI Patch the Planet

គេហទំព័ររដ្ឋាភិបាល សភា និងស្ថាប័នធំៗរាប់ពាន់ត្រូវបង្ខំចិត្ត “បិទចោលជាបណ្ដោះអាសន្ន” ក្រោយចន្លោះប្រហោងកម្រិតធ្ងន់ធ្ងរបំផុតលើ PHP ដែលកប់ខ្លួនជាង ១០ ឆ្នាំ ត្រូវបាន AI រកឃើញ និងបែកធ្លាយព័ត៌មានកេងប្រវ័ញ្ចជាសាធារណៈ។

រលកយក្សស៊ូណាមិនៃវិស័យសន្តិសុខសាយប័របានវាយប្រហារពិភពអ៊ីនធឺណិតទាំងមូល! គេហទំព័រផ្លូវការរបស់រដ្ឋាភិបាលអន្តរជាតិ សភាជាតិ ក្រុមប្រឹក្សាក្រុង និងស្ថាប័នប្រព័ន្ធផ្សព្វផ្សាយធំៗនៅជុំវិញពិភពលោក ត្រូវបានបង្ខំចិត្តបិទផ្អាកដំណើរការ (Take Offline) ជាបន្ទាន់ បន្ទាប់ពីចន្លោះប្រហោងកម្រិតធ្ងន់ធ្ងរបំផុតចំនួនពីរនៅលើភាសាសរសេរកូដ PHP ត្រូវបានបែកធ្លាយព័ត៌មានលម្អិតនៅលើបណ្ដាញសង្គម។ ទីភ្នាក់ងារសន្តិសុខសាយប័រឈានមុខគេលើពិភពលោក រួមមាន NSA (សហរដ្ឋអាមេរិក), NCSC (ចក្រភពអង់គ្លេស), CERT-EU(សហភាពអឺរ៉ុប) ព្រមទាំងអាជ្ញាធរសាយប័រអូស្ត្រាលី និងជប៉ុន បានចេញសេចក្តីព្រមានបន្ទាន់កម្រិតក្រហមទៅកាន់គ្រប់ស្ថាប័នទាំងអស់ថា៖ «ប្រសិនបើមិនទាន់អាចដំឡើង Patch កែកំហុសទាន់ពេលវេលាទេ ត្រូវតែបិទផ្តាច់គេហទំព័រ និង Server របស់ខ្លួនចេញពីអ៊ីនធឺណិតជាបន្ទាន់…