ទិន្នន័យឯកជនភាពរបស់អតិថិជន ដែលប្រើសេវាកម្មកក់សំបុត្រយន្តហោះនិង សណ្ឋាគារត្រូវបានបែកធ្លាយ

Prestige Software ដែលជាក្រុមហ៊ុនគ្រប់គ្រងនិងផ្ដល់សេវាកម្មសម្រាប់ក្រុមហ៊ុនកក់សំបុត្រយន្តហោះ និងសណ្ឋាគារធំៗ ល្បីៗ មានដូចជា Hotels.com, Booking.com និង Expedia ត្រូវបានក្រុមអ្នកសុវត្ថិភាពបច្ចេកវិទ្យា Website Planet រកឃើញថា បានលេចធ្លាយព័ត៌មានឯកជនភាពរបស់អតិថិជនជាច្រើនលាននាក់ ដែលមានដូចជា ឈ្មោះ ព័ត៌មានលម្អិតកាតឥណទាន លេខសម្គាល់អតិថិជន និងព័ត៌មានទាក់ទងនឹងការស្នាក់នៅរបស់ពួកគេ។

បើតាមអ្នកស្រាវជ្រាវក៏បានឱ្យដឹងផងដែរថា ការបែកធ្លាយនេះអាចកើតមានតាំងពីឆ្នាំ ២០១៣មកម្ល៉េះ ដែលបញ្ហានេះធ្វើឱ្យមានការប៉ះពាល់យ៉ាងខ្លាំងដល់អ្នកប្រើប្រាស់ទាក់ទងនឹងការបោកបញ្ឆោត ក៏ដូចជាការវាយប្រហារតាមរយៈអនឡាញ។ បញ្ហានេះកើតមានឡើងដោយសារតែការកំណត់មិនបានត្រឹមត្រូវនៅក្នុង Amazon Web Services (AWS) ដែលជាប្រព័ន្ធ Cloud សម្រាប់ផ្ទុកទិន្នន័យសំខាន់ៗរបស់អតិថិជនទាក់ទងនឹងការកក់សំបុត្រយន្តហោះ ឬ សណ្ឋាគាររបស់ពួកគេ។

នាយកដ្ឋានប្រឆាំងបទល្មើសបច្ចេកវិទ្យាសូមឱ្យអ្នកប្រើប្រាស់ទាំងអស់មានការប្រុងប្រយ័ត្នប្រសិនបើលោកអ្នកបានប្រើសេវាកម្មជាមួយនឹងក្រុមហ៊ុនដែលបានលើកឡើងខាងលើ។ សូមលោកអ្នកធ្វើការតាមដានគណនីប័ណ្ណឥណទានដើម្បីជៀសវាងការប្រើប្រាស់ដោយមិនមានការអនុញ្ញាត និងសូមមានការប្រុងប្រយ័ត្ននៅពេលដែលបានទទួលសារឬអុីមែលពីក្រុមហ៊ុនខាងលើដែលលោកអ្នកមិនបានស្នើសុំដើម្បីជៀសវាងពីការបោកបញ្ឆោតផ្សេងៗ៕

សម្រាប់អ្នកដែលចង់តាមដានព័ត៌មាននៅក្នុងស្មាតហ្វូន អាចធ្វើការទាញយក App នៅក្នុង ​AppStore &PlayStore ។

ចូលរួមទៅក្នុងបន្ទប់ផ្តល់ព័ត៌មាន Telegram channel សម្រាប់ទទួលបានព័ត៌មានចុងក្រោយស្តីពីសន្តិសុខអុិនធឺណិតទាំងក្នុង និងក្រៅប្រទេស៖ https://t.me/infosecisac។ ចង់ផ្សព្វផ្សាយពាណិជ្ជកម្ម សូមទំនាក់ទំនង info@secudemy.com

Subscribe to our Telegram channel for the latest updates on the Cybersecurity Breaking News in both locally and internationally: https://t.me/infosecisac.

For advertising: info@secudemy.com or Phone: +855 69 690 280

ប្រភពពី៖ នាយកដ្ឋានប្រឆាំងបទល្មើសបច្ចេកវិទ្យា Anti Cyber Crime Department