GeneralSecurity News

ក្រុមហ៊ុនបច្ចេកវិទ្យា Google រងការពិន័យទឹកប្រាក់ចំនួន 57 លានដុល្លារអាមេរិកសម្រាប់ការរំលោភបំពានលើការការពារទិន្នន័យ

នៅក្នុងសេចក្តីសម្រេចដ៏សំខាន់មួយ គណៈប្រតិភូការពារទិន្នន័យរបស់ប្រទេសបារាំងសម្រេចពិន័យក្រុមហ៊ុនបច្ចេកវិទ្យា Google នូវទឹកប្រាក់ចំនួន 50 លានអឺរ៉ូ (ប្រហែលជា 57 លានដុល្លារអាមេរិក) ចំពោះការរំលោភលើច្បាប់ការពារទិន្នន័យទូទៅរបស់អឺរ៉ុប (GDPR) ។ ការផាកពិន័យដាក់ទោសទៅលើក្រុមហ៊ុនបច្ចេកវិទ្យាយក្សគឺដោយសារតែក្រុមហ៊ុននេះមិនផ្តល់ព័ត៌មានដល់អ្នកប្រើ ឬការទទួលបានការយល់ព្រមត្រឹមត្រូវនៅពេលប្រមូលទិន្នន័យដើម្បីកំណត់ការផ្សាយពាណិជ្ជកម្មផ្ទាល់ខ្លួន។

ការពិន័យនេះគឺជាលទ្ធផលនៃការស៊ើបអង្កេតមួយទៅលើក្រុមហ៊ុនបច្ចេកវិទ្យា Google អស់រយៈពេលជិត 8 ខែ។ វាចាប់ផ្តើមនៅពេលដែលក្រុមហ៊ុនតស៊ូមតិ NOYB ដាក់ពាក្យបណ្តឹងប្រឆាំងក្រុមហ៊ុន Google ជាមួយនឹងនិយតករការពារទិន្នន័យនៅក្នុងប្រទេសអូទ្រីស, បែលហ្ស៊ិក, អាឡឺម៉ង់ និងប្រទេសបារាំងកាលពីខែឧសភា ដែលមិនយូរប៉ុន្មានបន្ទាប់ពីច្បាប់ GDPR ចូលជាធរមាន។ និយ័តករបារាំងក៏ទទួលពាក្យបណ្តឹងដូចគ្នាពីក្រុមអ្នកតស៊ូមតិផ្នែកឌីជីថលឌីជីថលបារាំង La Quadrature du Net (LQDN) ផងដែរ។

និយតករបារាំង គណៈកម្មាធិការជាតិទទួលបន្ទុកព័ត៌មានវិទ្យា និងសេរីភាព (CNIL) ប្រកាសកាលពីថ្ងៃច័ន្ទថា ខ្លួនយល់ស្របនឹងពាក្យបណ្តឹងដោយបានរកឃើញថា ក្រុមហ៊ុនបច្ចេកវិទ្យា​ Google ផ្សព្វផ្សាយព័ត៌មានសិទ្ធិឯកជនភាពទៅកាន់កន្លែងជាច្រើនក្នុងដំណើរការនៃការបង្កើតគណនី Google ។

ហេតុអ្វីប្រទេសបារាំងនាំមុខទៅលើរឿងនេះ?

ជាធម្មតាអ្នកស៊ើបអង្កេតនាំមុខគឺជាអាជ្ញាធរការពារទិន្នន័យនៅក្នុងប្រទេសដែលក្រុមហ៊ុនមានទីស្នាក់ការកណ្តាលនៅអឺរ៉ុប។ ក្នុងករណីនេះ CNIL និយាយថាវានាំមុខទៅលើរឿងនេះ ព្រោះអាជ្ញាធរការពារទិន្នន័យនៅក្នុងប្រទេសអៀរឡង់ដែល Google មានទីស្នាក់ការកណ្តាលនៅអ៊ឺរ៉ុបមិនបានពិចារណាថាខ្លួនមានយុត្តាធិការលើដំណើរការបង្កើតគណនីរបស់ Google នោះទេ។

ការពិន័យទឹកប្រាក់ខ្ពស់បែបនេះដោយសារតែ Google ក្លាយទៅជាសេវាកម្មដ៏សំខាន់មួយ និងប្រើប្រាស់យ៉ាងទូលំទូលាយនៅក្នុងប្រទេសបារាំង ហើយ CNIL និយាយថា ជនជាតិបារាំងរាប់ពាន់នាក់បង្កើតគណនី Google នៅលើទូរស័ព្ទ Android រាល់ថ្ងៃ។ ផលប៉ះពាល់នៃការប្រមូលទិន្នន័យរបស់ Google ទៅលើពលរដ្ឋបារាំងក៏មានភាពទូលំទូលាយផងដែរ។

Google មិនមែនជាក្រុមហ៊ុនតែមួយគត់ដែលប្រឈមនឹងការផាកពិន័យពី GDPR លើការគ្រប់គ្រងទិន្នន័យរបស់អ្នកប្រើប្រាស់នោះ។ កាលពីខែតុលា គណៈកម្មការការពារទិន្នន័យអៀរឡង់ប្រកាសអំពីការស៊ើបអង្កេតលើហ្វេសប៊ុកបន្ទាប់ពីការប្រកាសរបស់ក្រុមហ៊ុនបច្ចេកវិទ្យាយក្សសង្គមនេះទៅលើការរំលោភបំពានទិន្នន័យដែលប៉ះពាល់ដល់គណនីអ្នកប្រើប្រាស់ជាង 50 លាននាក់។ NOYB ក៏ដាក់ពាក្យបណ្តឹងប្រឆាំងក្រុមហ៊ុន Facebook និងក្រុមហ៊ុន Instagram និង WhatsApp រួមជាមួយនឹងបណ្តឹងទៅកាន់ក្រុមហ៊ុន Google ផងដែរ។

ដោយផ្អែកលើចំណូលត្រីមាសទី 3 ឆ្នាំ 2018 របស់ខ្លួន ក្រុមហ៊ុន Google រកប្រាក់បានគ្រប់គ្រាន់ដើម្បីបង់លុយពិន័យ CNIL ក្នុងរយៈពេលតិចជាង 4 ម៉ោងតែប៉ុណ្ណោះ។ NOYB ត្រូវដឹកនាំដោយលោក Max Schrems មេធាវីជនជាតិអូទ្រីសដែលពាក្យបណ្តឹងប្រឆាំងនឹងហ្វេសប៊ុកបង្ខំឱ្យ EU លុបចោលច្បាប់ Safe Harbor របស់ខ្លួន ហើយផ្លាស់ប្តូរច្បាប់ស្តីពីការចែករំលែកទិន្នន័យរបស់ពលរដ្ឋអឺរ៉ុបជាមួយក្រុមហ៊ុនបរទេសជាច្រើន៕

ប្រភព៖ Nakedsecurity

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button