GeneralSecurity News

FBI ទំលាក់ចោលក្តីក្តាំតុលាការជាមួយ Apple ដោយសារតែបានដោះកូដទូរស័ព្ទ iPhone រួចរាល់

បន្ទាប់ពីការតតាំងគ្នារាប់សប្តាហ៍រួចមកហើយ ការតតាំងគ្នានៅតុលាការរវាង FBI និងក្រុមហ៊ុន Apple បានដល់ទីបញ្ចប់ហើយនៅក្នុងថ្ងៃនេះ ។

រដ្ឋាភិបាលអាមេរិកបានធ្វើការប្រកាសជាផ្លូវការថា ខ្លួនបានជោគជ័យក្នុងការចូលទៅក្នុងទូរស័ព្ទ iPhone 5c របស់ភេរវករ (ដោះកូដបានជោគជ័យ) ហើយបាននឹងកំពុងធ្វើការស្នើសុំទៅដល់តុលាការដើម្បីធ្វើការទំលាក់ចោលដីការរបស់ខ្លួន ដែលចាប់បង្ខំឲ្យក្រុមហ៊ុន Apple ធ្វើការដោះកូដ កាលពីលើកមុននោះ។

ភាគីទីបីដែលស្ថិតនៅក្នុងភាពអាថ៌កំបាំង ហើយដែលបានជួយដល់រដ្ឋាភិបាលនោះ គឺមិនត្រូវបានបង្ហើបអត្តសញ្ញាណឡើយ ហើយរដ្ឋាភិបាលក៏មិនមានហេតុផលណាមួយដើម្បីបង្ហើបពីវិធីសាស្ត្រនេះដែរ។ ក្រុមហ៊ុន Apple នឹងធ្វើការសាកសួរលំអិតអំពីវិធីសាស្ត្របំបែកថ្មីនេះ ដែលអាចឲ្យខ្លួនធ្វើការជួសជុលកំហុសឆ្គងនេះ នៅក្នុងជំនាន់ថ្មីរបស់ iOS ។

ការវិវឌ្ឍចុងក្រោយនៃករណីមួយនេះគឺមានភាពស្រពិចស្រពិល ។ FBI បានធ្វើការជាមួយនឹងភាគីទីបី (ដែលមិនត្រូវបានស្គាល់អត្តសញ្ញាណ) ដោយប្រើប្រាស់វិធីសាស្ត្រដែលគេមិនស្គាល់ ដើម្បីធ្វើការដោះកូដ iPhone ។ យើងក៏មិនបានដឹងពិតប្រាកដដែលថា FBI ពិតជាបានដោះកូដបានជោគជ័យពិតមែនឬអត់នោះទេ ។

ក្រុមហ៊ុន Apple បានធ្វើការប្រឆាំងទៅនឹងសំណើរបស់រដ្ឋាភិបាលពីព្រោះក្រុមហ៊ុននេះគិតថា វានឹងក្លាយទៅជាទីចំណោទដែលរអិលចុះក្រោម។ ហើយក្រុមហ៊ុន Apple ក៏មិនចង់ធ្វើការបង្កើតនូវ backdoor ណាមួយដែលអាចធ្វើឲ្យរាល់ឧបករណ៍ iOS ទាំងអស់ ងាយទទួលរងគ្រោះពីសំណាក់ហេគឃ័រ និងរដ្ឋាភិបាលបរទេសនោះដែរ ៕

ប្រភព៖ The Next Web / ប្រែសម្រួល៖ SecuDemy.com

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button