ISAC Cambodia (InfoSec)
GeneralSecurity News

ប្រទេសចិន: សហរដ្ឋអាមេរិក គឺជាអធិរាជនៃពួកហេគឃ័រ

តាមប្រភពព័ត៌មានពីវេបសាយ ​RT បានឱ្យដឹងថា ក្រុងវ៉ាស៊ីនតោនដែលបានធ្វើការចោទប្រកាន់រដ្ឋជាច្រើនក្នុងការដឹកនាំសង្គ្រាមអុិនធឺណិតប្រឆាំងទៅនឹងសហរដ្ឋអាមេរិកនោះ គឺដូចជា “ចោរដែលកំពុងស្រែកថា“ ឈប់ចោរ ឈប់!” ។ ទីក្រុងប៉េកាំងនិយាយបែបនេះ ដើម្បីធ្វើប្រតិកម្មតបទៅនឹង CIA ដែលបានប្រើប្រាស់នូវក្រុមហ៊ុនកូដនីយកម្មរបស់ប្រទេសស្វីសឈ្មោះថា Crypto AG ដើម្បីធ្វើចារកម្មលើប្រទេសជាច្រើននៅជុំវិញពិភពលោក។

អ្នកនាំពាក្យក្រសួងការបរទេសចិនលោក Geng Shuang និយាយនៅក្នុងសន្និសីទសារព័ត៌មានប្រចាំថ្ងៃមួយថា រដ្ឋាភិបាលសហរដ្ឋអាមេរិកបានធ្វើសកម្មភាពទ្រង់ទ្រាយធំ ការរៀបចំ និងមិនរើសអើងការលួចស្តាប់តាមអុិនធឺណិត ការឃ្លាំមើលលើរដ្ឋាភិបាលបរទេស ការធ្វើជំនួញ និងបុគ្គលជាច្រើន ដែលជាការពិតត្រូវបានគេស្គាល់គ្រប់គ្នាៗគ្នាទៅហើយ។

លោក Geng ចង់រំលឹកថា សកម្មភាពចារកម្មទាំងនេះដែលរំលោភលើច្បាប់អន្តរជាតិ និងធ្វើឱ្យអន្តរាយដល់ជំនឿទុកចិត្តរវាងសហរដ្ឋអាមេរិក និងប្រទេសដទៃទៀត ត្រូវបានគេបើកកកាយដោយអ្នកបញ្ចេញព័ត៌មាន Edward Snowden និង WikiLeaks ។ ក្នុងចំណោមរឿងជាច្រើនផ្សេងទៀត ជនជាតិអាមេរិកជាច្រើនត្រូវបានប្រមូលការខលទូរស័ព្ទរាប់ពាន់លាននៅជុំវិញពិភពលោកជារៀងរាល់ថ្ងៃ ហើយថែមទាំងត្រូវបានគេបង្ហាញឱ្យដឹងថា កំពុងធ្វើចារកម្មលើទូរស័ព្ទរបស់អធិការបតីអាល្លឺម៉ង់លោកស្រីអេនជេឡាមឺកែលថែមទៀតផង។

មន្ត្រីចិនចង្អុលបង្ហាញថាទីក្រុងវ៉ាស៊ីនតោនមិនដែលពន្យល់ខ្លួនឯងអំពីការលេចធ្លាយទាំងនោះទេ ហើយ “ ឥឡូវនេះឧប្បតិ្តវហេតុរបស់ក្រុមហ៊ុន Crypto AG ក្លាយជាការបន្ថែមរឿងមួយទៀតសម្រាប់សហរដ្ឋអាមេរិកដើម្បីបំភ្លឺដល់ពិភពលោកនេះ” ។

កាលពីសប្តាហ៍មុននេះ កាសែតវ៉ាស៊ីនតោនប៉ុស្តិ៍ បង្ហាញថាសហរដ្ឋអាមេរិកកំពុងប្រើប្រាស់ក្រុមហ៊ុនកូដនីយកម្ម របស់ប្រទេសស្វីស Crypto AG ដើម្បីតាមដានការទំនាក់ទំនងដែលមានសុវត្ថិភាពរវាងប្រទេសចំនួន ១២០ ចាប់តាំងពីទសវត្សរ៍ឆ្នាំ ១៩៧០ ដល់ ២០០០ ។ ក្រុមហ៊ុននេះបានលក់ឧបករណ៍ “Encryptions” ទៅអោយភ្នាក់ងាររដ្ឋាភិបាលនៅទូទាំងពិភពលោក ប៉ុន្តែត្រូវបានកាន់កាប់ដោយសម្ងាត់ដោយទីភ្នាក់ងារ CIA និងភ្នាក់ងារស៊ើបការណ៍អាល្លឺម៉ង់ខាងលិច។

លោក Geng និយាយថា សហរដ្ឋអាមេរិកមិនមានភាពទុកចិត្តឡើយ ​(no credibility) ក្នុងការចោទប្រកាន់ប្រទេសដទៃទៀតពីការលួចស្តាប់ និងធ្វើចារកម្ម ប៉ុន្តែនៅតែបន្តតាំងខ្លួនជាជនរងគ្រោះនៃការវាយប្រហារតាមអុិនធឺណេត ដូចជាចោរដែលស្រែកថា “ឈប់ ចោរៗ”!។

អ្នកនាំពាក្យក្រសួងការបរទេសរូបនេះច្រានចោលការចោទប្រកាន់របស់មន្រ្តីយោធាចិនបួនរូបកាលពីសប្តាហ៍មុនជុំវិញការរំលោភបំពានទៅលើក្រុមហ៊ុន Equifax ក្នុងឆ្នាំ ២០១៧ ដែលបានឃើញទិន្នន័យរបស់ពលរដ្ឋអាមេរិកប្រមាណ ១៥០ លាននាក់ត្រូវបានគេលួច ហើយបន្ទាប់មកត្រូវដាក់លក់តាមអ៊ីនធឺណិតនោះ។ លោកទទូចថាប្រទេសចិនមិនមានអ្វីពាក់ព័ន្ធនឹងការរំលោភបំពាននេះទេ។

ទន្ទឹមនឹងនេះសហរដ្ឋអាមេរិកបានខិតខំធ្វើការដាក់សម្ពាធដល់ប្រទេសដទៃទៀតឱ្យឃ្លាតឆ្ងាយពីការទទួលយកស្តង់ដារទំនាក់ទំនងឥតខ្សែ 5G Wireless ដូចដែលបានផ្តល់ដោយក្រុមហ៊ុនបច្ចេកវិទ្យាយក្សចិន Huawei នេះ។ គោលដៅនោះថែមទាំងបានប្រមូលផ្ដុំអ្នកប្រជាធិបតេយ្យ និងសាធារណរដ្ឋជាច្រើនរូបផងដែរ នៅពេលមេដឹកនាំភាគច្រើននៃសភាប្រជាធិបតេយ្យ Nancy Pelosi បានថ្លែងនៅក្នុងសន្និសិទសន្តិសុខ Munich Security Conference និងនិយាយត្រាប់តាមវោហារសាស្ត្ររបស់លោកដូណាល់ត្រាំអំពីក្រុមហ៊ុនបច្ចេកវិទ្យា Huawei នោះ។

Pelosi ព្រមានថាការប្រើប្រាស់បច្ចេកវិទ្យាចិនគឺជាទម្រង់នៃការឈ្លានពានដ៏ខ្លាំងក្លាបំផុតដែលនឹងអនុញ្ញាតឱ្យទូរគមនាគមន៍ជាតិជាច្រើនត្រូវបានគ្រប់គ្រងដោយរដ្ឋាភិបាលមួយ ដែលមិនចែករំលែកតម្លៃរបស់យើងនោះទេ។ ការអត្ថាធិប្បាយទាំងនោះត្រូវបានក្រុងប៉េកាំងថ្កោលទោសយ៉ាងលឿនថា“ វាមិនផ្អែកលើអង្គហេតុនៃការពិតនោះទេ” ។

ក្នុងអំឡុងពេលនៃការធ្វើបទបង្ហាញខ្លីនេះ លោក Geng ផ្តល់នូវបញ្ជីសកម្មភាពផ្ទាល់ខ្លួនរបស់វ៉ាស៊ីនតោនដែលបានផ្តោតលើប្រទេសចិនក្នុងវិស័យបច្ចេកវិទ្យាតាមអុិនធឺណិតរួមមានការគ្រប់គ្រងកុំព្យូទ័ររបស់ប្រទេសចិនចំនួន ៣លានគ្រឿង និងបញ្ចូលមេររោគ Trojan Horse នៅក្នុងគេហទំព័រចិនជាង ៣៦០០ គេហទំព័រជារៀងរាល់ឆ្នាំថែមទៀតផង៕

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Check Also
Close
Back to top button