GeneralSecurity News

ក្រុមហ៊ុន Apple បានជួយបង្កើត iPod សំងាត់បំផុតដល់រដ្ឋាភិបាលខ្លួន

តាមប្រភពព័ត៌មានពី ​BBC បានឱ្យដឹងថា ក្រុមហ៊ុន Apple បានជួយដល់រដ្ឋាភិបាលសហរដ្ឋអាមេរិក ដើម្បីបង្កើតនូវ iPod មួយប្រភេទសំងាត់បំផុត (top secret iPod) ដែលមានបង្កប់ sensors លាក់នៅខាងក្នុង – នេះបើតាមការបញ្ចេញព័ត៌មានពីអតីតបុគ្គលិកម្នាក់របស់ក្រុមហ៊ុន Apple។

យោងទៅតាមលោក David Shayer ដែលជាអតីតវិស្វករសុសវែររបស់ក្រុមហ៊ុន ​Apple បានឱ្យដឹងថា មានតែបុគ្គលចំនួន ៤នាក់ប៉ុណ្ណោះនៅក្នុងក្រុមហ៊ុនដែលបានដឹងអំពីគម្រោងមួយនេះ ។ មានបុរសចំនួនពីរនាក់មកពី defense contractor បានមកដល់ក្រុមហ៊ុន Apple នៅក្នុងឆ្នាំ២០០៥ ដែលតំណាងឱ្យក្រសួងថាមពលរបស់សហរដ្ឋអាមេរិក។

បុរសពីរនាក់នោះមកក្នុងគោលបំណងជួយដល់ការបង្កើតនូវ iPod មួយប្រភេទដែលមានរូបរាង និងដំណើរធម្មងតាដូចជា ​iPod ទូទៅអញ្ចឹង ក៏ប៉ុន្តែមានការថតទិន្នន័យ (record data) ដោយប្រើប្រាស់នូវ ឧបករណ៍សំងាត់ដែលបង្កប់នៅក្នុង iPod នោះ។ ក្រុមហ៊ុន Apple បានជួយដល់វិស្វករទាំងពីរនាក់នោះ ក្នុងការបង្កើតនូវ iPod Software ពិេសសមួយ ដើម្បីអាចឱ្យដំណើរការបានជាធម្មតា។

ពួកគេមានការប្រយ័ត្នបំផុត ដើម្បីឱ្យប្រាកដថា ខ្ញុំមិនដែលឃើញឧបករណ៍ដែលយកទៅបង្កប់ជាមួយនឹង ​iPod នោះទេ – ហើយខ្ញុំមិនដែលឃើញវាពីមុនមកមែន – នេះបើតាមអ្វីដែលលោក Shayer បានសរសេរនៅក្នុងទំព័រមួយនេះ។ នេះគឺជាអ្វីដែលក្រុមហ៊ុន ​Apple បានធ្វើដើម្បីបំពេញទៅតាមតម្រូវការរបស់ក្រសួងថាមពល។

លោក ​Shyaer មិនដែលរកឃើញឱ្យប្រាកដទេថា តើវិស្វករទាំងពីរអ្នកនោះបង្កប់នូវអ្វីនោះទេ ប៉ុន្តែមានការសង្ស័យថា ជាអ្វីមួយដែលអាចវាស់ស្ទង់កម្រិតវិទ្យុសកម្ម ពីព្រោះដោយសារតែក្រសួងថាមពល ទទួលខុសត្រូវផ្នែកថាមពលនុយក្លេអែរ។

ព័ត៌មានខាងលើនេះ ត្រូវបានគាំទ្រដោយបុគ្គលិករបស់ក្រុមហ៊ុន ​Apple ផ្សេងទៀត កាលពីពេលនោះផងដែរ។

លោក Tony Fadell ដែលជាអតីត ​vice-president នៃ iPod division បានសរសេរនៅលើផ្ទាំង ​twitter របស់លោកថា រឿងនេះគឺពិតប្រាកដអញ្ចឹងមែន ដោយមិនចាំបាច់សង្ស័យឡើយ។

Twitter post by @tfadell: You should have seen the guys behind those 2 engineers… What a trip! I’m still friends with one of them today. Crazy super cool technology the government was working on then… I can only imagine what is cooking these days.

ក្រុមហ៊ុន ​Apple មិនទាន់បានឆ្លើយតបទៅតាមការស្នើសុំការបញ្ជក់នៅឡើយទេចំពោះរឿងនេះ!

ក្រុមហ៊ុន ​Apple បានធ្វើការប្រកាសជាទូទៅថា បញ្ហាឯកជនភាព (privacy) គឺជាកូនសោរយុទ្ធសាស្ត្រទីផ្សារបស់ខ្លួន ហើយក៏ធ្លាប់មានការខ្វែងគំនិតគ្នាយ៉ាងខ្លាំងផងដែរជាមួយនឹងក្រសួងយុត្តិធម៌ផងដែរ៕

សម្រាប់អ្នកដែលចង់តាមដានព័ត៌មាននៅក្នុងស្មាតហ្វូន អាចធ្វើការទាញយក App នៅក្នុង ​AppStore & PlayStore

ចូលរួមទៅក្នុងបន្ទប់ផ្តល់ព័ត៌មាន Telegram channel សម្រាប់ទទួលបានព័ត៌មានចុងក្រោយស្តីពីសន្តិសុខអុិនធឺណិតទាំងក្នុង និងក្រៅប្រទេស៖ https://t.me/infosecisac ចង់ផ្សព្វផ្សាយពាណិជ្ជកម្ម សូមទំនាក់ទំនង info@secudemy.com

Subscribe to our Telegram channel for the latest updates on the Cybersecurity Breaking News in both locally and internationally: https://t.me/infosecisac.

For advertising: info@secudemy.com or Phone: +855 69 690 280

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button