ISAC Cambodia (InfoSec)
GeneralSecurity News

កម្មវិធីមេរោគ Android Apps ដ៏មានគ្រោះថ្នាក់ចំនួន ១៧ ត្រូវរកឃើញនៅលើ Play Store

តាមប្រពភពព័ត៌មានពី BitDefender បានឱ្យដឹងថា ក្រុមអ្នកស្រាវជ្រាវរកឃើញនូវកម្មវិធី Android apps ដ៏មានគ្រោះថ្នាក់ចំនួន ១៧ កម្មវិធីនៅលើ Google play store ដែលឆ្លងទៅលើឧបករណ៍ Android ជិតដល់ចំនួន  550,000 គ្រឿងនៅទូទាំងពិភពលោក។

អ្នកអភិវឌ្ឍន៍កម្មវិធី Apps ដ៏មានគ្រោះថ្នាក់ទាំងនេះ បានបន្ថែមនូវមុខងារជាច្រើនដើម្បីធ្វើការលាក់នូវវត្តមានរបស់ពួកគេនៅលើឧបករណ៍របស់អ្នកប្រើប្រាស់ និងបង្ហាញនូវការផ្សាយពាណិជ្ជកម្មជានិច្ចនៅពេលដែលកម្មវិធី app នេះធ្វើការតម្លើងនៅលើឧបករណ៍ Android របស់ជនរងគ្រោះនោះ។

សម្រាប់កម្មវិធីដែលមានការផ្សាយពាណិជ្ជកម្មនេះ (adware programs) មានទំនោរក្នុងការផ្សព្វផ្សាយពាណិជ្ជកម្មជាច្រើន ដែលអ្នកមិនចង់ឃើញនៅលើស្មាតហ្វូន និងកុំព្យូទ័ររបស់អ្នក។  Adware នេះគឺជាទំនោរនៃការគំរាមកំហែងនៅក្នុងឆ្នាំ ២០១៩ ហើយវានឹងបន្តក្នុងការវិវត្តន៍នៅក្នុងឆ្នាំ២០២០នេះជាពិសេសមានគោលដៅសម្រាប់អ្នកប្រើប្រាស់នៅលើឧបករណ៍ Android ហើយវាគឺជាចំណុចមួយដ៏រីករាយសម្រាប់ឧក្រិដ្ឋជនអុីនធឺណិត ដោយសារតែប្រព័ន្ធប្រតិបត្តិការ Android មានការពេញនិយមខ្លាំងនោះ។

រូបភាព៖ បញ្ជីឈ្មោះកម្មវិធី Android Apps ដែលមានភ្ជាប់ជាមួយនូវមេរោគ / ប្រភព៖ ​BitDefender

សម្រាប់កម្មវិធីដ៏មានគ្រោះថ្នាក់ចំនួន ១៧ នេះត្រូវបានរកឃើញនៅលើកម្មវិធី  Google play store ដែលមានការតម្លើងចំនួន 550,000 ដង ហើយវាត្រូវបានរកឃើញថាវាអាចឆ្លងកាត់នូវការការពារសុវត្ថិភាព Google Play Protect និងអាចគេចផុតនៅក្រោមរ៉ាដាសុវត្ថិភាពរបស់ក្រុមហ៊ុន Google ថែមទៀត។

សកម្មភាពជាច្រើនរបស់​Apps ដែលមានគ្រោះថ្នាក់នេះ

ក្រុមអ្នកស្រាវជ្រាវជាច្រើនក៏ធ្វើការវិភាគទៅលើកម្មវិធីមួយនៅក្នុងកម្មវិធី Apps ជាច្រើននៅក្នុងបញ្ជីនេះដូចជាកម្មវិធី Simulator ដែលផ្តល់នូវការបង់ប្រាក់បន្ថែម (in-app payments) សម្រាប់មុខងារនៅក្នុងហ្គេមនោះ។ កម្មវិធី App នេះធ្វើការបង្កើតនូវការផ្សព្វផ្សាយពាណិជ្ជកម្មផុសឡើងដោយចៃដន្យដែលអ្នកប្រើប្រាស់មិនកំពុងតែលេងហ្គេមនោះទេ ហើយមានការពិបាកក្នុងការកត់សម្គាល់ណាស់។ កម្មវិធី App ដែលមានភ្ជាប់ជាមួយនឹងសមាសភាគចំនួន ២ ហើយសម្រាប់សមាសភាគទី ១ គឺមានកូដដែលមានគ្រោះថ្នាក់ និងសមាសភាគទី ២ គឺសម្រាប់ការហ្គេមតែម្តង។ 

ក្រុមឧក្រិដ្ឋជនអ៊ីនធឺរណិតដែលប្រើប្រាស់នូវកំណែ Adware SDK  ទៅធ្វើការកែប្រែទៅលើភាពចៃដន្យនៃការផ្សព្វផ្សាយពាណិជ្ជកម្ម និងការបង្ហាញនូវពេលវេលាថែមទៀត។ សម្រាប់ versions ផ្សេងទៀតនោះរួមមាន versions ជាច្រើនដែលនៅក្នុង Google Play ការស្នើទៅកាន់ការផ្សព្វផ្សាយនៅលើគេហទំព័រដែលមានព័ត៌មានសំខាន់របស់អ្នកប្រើប្រាស់ដូចជាលេខម៉ូឌែលស្មាតហ្វូន, IMEI, IP address, MAC address និងព័ត៌មានទីតាំងថែមទៀត។

រូបភាពនៃ Android App ដែលមានភ្ជាប់ជាមួយមេរោគ | ប្រភព៖ BitDefender

អ្នកប្រើប្រាស់ស្មាតហ្វូនជាច្រើនត្រូវគេណែនាំអោយធ្វើការតម្លើងនូវដំណោះស្រាយសុវត្ថិភាពនៅលើឧបករណ៍របស់ពួកគេដើម្បីធ្វើការកំណត់អត្តសញ្ញាណនៃហានិភ័យ និងមេរោគ malware និងកម្មវិធី apps ដ៏មានគ្រោះថ្នាក់ជាច្រើនទៀតរួមជាមួយនឹងគេហទំព័រក្លែងបន្លំ និងវេបសាយលួចផងដែរ។ 

ទន្ទឹមនឹងនេះផងដែរ សូមកុំធ្វើការដោនឡូតនូវកម្មវិធី Apps ចេញពី App Store ភាគីទី ៣ និងធ្វើការស្រាវជ្រាវទៅលើ App នេះជាមុនសិនមុននឹងធ្វើការតម្លើងវា។ អ្នកអាចប្រើប្រាស់នូវកម្មវិធី Adware Removal Tool ដើម្បីធ្វើការរារាំងទៅលើការផ្សព្វផ្សាយ Ads ដ៏គួរអោយធុញទ្រាន់នេះ៕

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button