ISAC Cambodia (InfoSec)
GeneralSecurity News

New ransomware CoinVault allows users to decrypt one file for free

មេរោគ CoinVault (ransomware) អាចឲ្យអ្នកប្រើប្រាស់ធ្វើការ decrypt ឯកសារបាន ០១ ដោយឥតគិតថ្លៃ

ឧក្រិដ្ឋជនដែលស្ថិតនៅពីក្រោយកម្មវិធីប្រភេទជាលក្ខណៈចាប់ជំរិត (ransomware) មួយហៅថា CoinVault បានធ្វើការព្យាយាមវិធីសាស្ត្រចិត្តសាស្ត្រមួយថ្មីទៀត ដើម្បីធ្វើការបញ្ចុះបញ្ចូលអ្នកប្រើប្រាស់ ឲ្យធ្វើការបង់លុយ នោះគឺផ្តល់នូវរបស់ឥតគិតថ្លៃ។

ការគំរាមគំហែងថ្មីនេះ ត្រូវបានរកឃើញដោយអ្នកស្រាវជ្រាវសន្តិសុខមកពី Webroot ហើយដែលមុខងាររបស់វាគឺស្រដៀងទៅនឹងកម្មវិធីចាប់ជំរិត ​CryptoWall អញ្ចឹងដែរ។ វាប្រើប្រាស់នូវ strong encryption 256-bit AES ជាមួយនឹង Keys ដែលរក្សាទុកនៅក្នុងម៉ាស៊ីនមេ (remote server), វាបានបំផ្លាញនូវ Windows Volume Shadow Copy Service ដែលជាហេតុធ្វើឲ្យអ្នកប្រើប្រាស់មិនអាចប្រើវា ដើម្បីធ្វើការទាញយកមកវិញ (recovery) នូវឯកសារទាំងឡាយរបស់ខ្លួន ហើយវាគាំទ្រតែមធ្យោបាយ Bitcoin សម្រាប់ធ្វើការបង់ប្រាក់តែប៉ុណ្ណោះ។

អ្នកប្រើប្រាស់តម្រូវឲ្យបង់ប្រាក់ចំនួន 0.5 bitcoins ដែលគិតជាទឹកប្រាក់ប្រមាណជា $200 ដើម្បីទទួលបាននូវ key សម្រាប់ធ្វើការ decrypt នូវឯកសារ របស់ខ្លួន ប៉ុន្តែតម្លៃនេះគឺមានការកើនឡើងជាលំដាប់រៀងរាល់ ២៤ម៉ោងម្តង។

ចំនុចមួយដែលធ្វើឲ្យមេរោគ CoinVault នេះខុសប្លែកពីមេរោគមុនៗគឺ វាអនុញ្ញាតឲ្យអ្នកប្រើប្រាស់មើលឃើញនូវរាល់ឯកសាររបស់ខ្លួនដែលបាន encrypt ហើយអាចធ្វើការជ្រើសរើសឯកសារណាមួយ ដើម្បីធ្វើការ decrypt ដោយឥតគិតថ្លៃ (FREE)។

បើតាមលោក Tyler Moffitt អ្នកស្រាវជ្រាវមកពី Webroot បាននិយាយថា នេះគឺជាចំនុចដ៏គួរឲ្យចាប់អារម្មណ៍ ហើយវាបង្កើនចំនួនបុគ្គលឲ្យអាចបង់ប្រាក់ ដើម្បីទទួលបានឯកសាររបស់ពួកគេត្រលប់មកវិញ។

កម្មវិធីមេរោគចាប់ជំរិតដូចជា CryptoLocker និង CryptoWall បានឆ្លងទៅកាន់កុំព្យូទ័រប្រមាណជា ១លានគ្រឿង និងរកចំណូលបានរាល់សិបលានដុល្លា។ អ្នកស្រាវជ្រាវសន្តិសុខបានផ្តល់នូវការណែនាំដល់អ្នកប្រើប្រាស់មិនត្រូវបង់ប្រាក់ ក្នុងទម្រង់ជាការចាប់ជំរិត ឬបង្ខំនោះឡើយ ពីព្រោះវាគឺនឹងជួយដល់ការកើនឡើង នូវបញ្ហានេះ។ ប៉ុន្តែជាអកុសល ការបង់ប្រាក់ឲ្យឧក្រិដ្ឋជន គឺជានិច្ចជាកាលជាជម្រើសតែមួយគត់ ដែលអ្នកប្រើប្រាស់ជាច្រើនអាចធ្វើការយកឯកសាររបស់ខ្លួនមកវិញបាន បើសិនជាពួកគាត់មិនបានធ្វើការ back-up ឲ្យបានទៀងទាត់។

ការប្រឆាំងមួយទៀតនឹងបញ្ហានេះគឺថា នៅពេលដែលអ្នកធ្វើការជាមួយនឹងឧក្រិដ្ឋជន នោះវាមិនមានការធានាថា ពួកគេនឹងគោរពនូវពាក្យសន្យានោះឡើយ។ ដូចនេះ កម្មវិធីមេរោគ CoinVault ដែលឲ្យអ្នកអាចធ្វើការទាញយកមកវិញនូវឯកសារចំនួន ០១ ដោយឥតគិតថ្លៃនោះ វាគឺជាការចង់បញ្ជាក់ដល់ជនរងគ្រោះថា អ្នកបង្កើតកម្មវិធីពិតជាមានសមត្ថភាពក្នុងការ decrypt នូវឯកសារទាំងអស់មកវិញមែន។

ព័ត៌មានបន្ថែម៖

http://www.webroot.com/blog/2014/11/14/coinvault/

Show More

Phannarith

Mr. OU Phannarith is one of the well-known cybersecurity experts in Cambodia and the region. He is the founder of the first leading information security website (www.secudemy.com) in Cambodia. He has been invited to present in global conferences, forums, and seminars and he was awarded in Information Security Leadership Achievements (ISLA) in 2016 by (ISC)2 and in December 2012 as one of the top 10 Chief Information Security Officers (CISO) in ASEAN by the International Data Group (IDG). Mr. OU has been the Professor specializing in Cybersecurity.

Related Articles

Back to top button