ឧក្រិដ្ឋជនតាមប្រព័ន្ធអិនធឺណែតគឺត្រូវបានស្គាល់ថា ជាអ្នកឆក់យកឧិកាសនៃបញ្ហាផ្សេងៗដែលកើតមានឡើងនៅជុំវិញពិភពលោក ហើយក្នុងពេលនេះពួកគេទាំងនោះ ក៏បានឆ្លៀតឧិកាស យកព្រឹត្តិការណ៍ទាក់ទងនឹងយន្តហោះម៉ាឡេស៊ី MH370 ផងដែរ ដើម្បីជាធ្នាក់ទាញយកផលប្រយោជន៍ពីអ្នកប្រើប្រាស់អ៊ិនធឺណែត។
នៅក្នុងសប្តាហ៍នេះ អ្នកស្រាវជ្រាវផ្នែកសន្តិសុខដែលធ្វើការនៅក្រុមហ៊ុន FireEye បានបញ្ចេញព័ត៌មានឲ្យយើងដឹងថា មានបញ្ហាបន្លំជាច្រើនបានកើតមានឡើង។ ក្នុងនោះក្រុមអ្នកវាយប្រហារចិន ដែលហៅថា “admin@338” ដែលមានជំនាញខាងចារកម្មបានផ្ញើរអ៊ីម៉ែលទាក់ទងនឹងព័ត៌មានអំពី MH370 ទៅកាន់មន្ត្រីរដ្ឋាភិបាលជាច្រើននៅក្នុង Asia-Pacific ជាមួយនឹងឯកសារភ្ជាប់ (attachment) ដែលមានព័ត៌មានស្តីអំពីយន្តហោះដែលបាត់នោះ។
ឯកសារដែលមានភ្ជាប់មកជាមួយនឹងសារនោះ គឺវាបានបង្កប់មកជាមួយនូវកម្មវិធី (Poison Ivy RAT) ដែលអាចអនុញ្ញាតឲ្យភ្ជាប់ពីចម្ងាយ និងមេរោគ WinHTTPHelper ដែល ធ្វើការជ្រៀតចូលទៅក្នុងកុំព្យូទ័ររបស់រដ្ឋាភិបាល។
