ខាងក្រោមនេះជារបាយការណ៍សង្ខេបស្តីពីការវាយប្រហារ ក្នុងខែកុម្ភៈចាប់ពីថ្ងៃទី ១ ដល់ ១៦ ឆ្នាំ២០១៣។ វាគឺជាខែមួយ ដែលជាការចងចាំមួយសម្រាប់ ការវាយប្រហារស្មុគស្មាញ (sophisticated cyber attack) ចំពោះវិបសាយបណ្តាញសង្គមធំៗពីរគឺ Facebook និង Twitter ។
វិបសាយសំខាន់ធំៗផ្សេងទៀតមានដូចជា រដ្ឋាភិបាល និងឧស្សាហកម្ម បានក្លាយជាគោលដៅនៃ ការវាយប្រហារ ពីឧក្រិដ្ឋជន ក្រោមលក្ខណៈមានការគាំទ្រពីរដ្ឋ (state-sponsored) ។ បញ្ជីគោលដៅរដ្ឋាភិបាល គឺនាំមុខដោយ U.S. Department of Energy និង Japan Ministry of Foreign Affairs, ក្នុងពេលដែលក្រុមហ៊ុន Bit9 ជាក្រុមហ៊ុនល្បី ខាង security ក៏ទទួលរងគ្រោះផងដែរ។ ហើយចុងក្រោយគឺ ការវាយប្រហារទៅលើអុីមែលនៃគ្រួសាររបស់ អតីតប្រធានាធិបតី Bush។
