មានការវាយប្រហារ DDoS ទៅលើម៉ាសីុនមេរបស់កម្មវិធី Telegram ប្រចាំតំបន់អាសីុបា៉សីុភិច
ក្នុងករណីដែលអ្នកមិនបានតាមដានព័ត៌មាននៅតាម Twitter, ម៉ាស៊ីនមេរបស់កម្មវិធី Telegram ប្រចាំតំបន់អាស៊ីប៉ាស៊ីភិចត្រូវបានទទួលរងការវាយប្រហារ DDoS តាំងពីថ្ងៃសុក្រសប្តាហ៍មុន។
នេះមានន័យថា បើសិនជាអ្នករស់នៅក្នុងតំបន់ South East Asia, Oceania, Australia ឬក៏ផ្នែកខ្លះនៃប្រទេស India អ្នកនឹងជួបនូវបញ្ហាលំបាក ក្នុងការភ្ជាប់កម្មវិធី Telegram កាលពីចុងសប្តាហ៍មុន
តើ Telegram ប៉ៈពាល់ដល់អ្វីខ្លះ?
Telegram ទទួលរងការវាយប្រហារជាមួយនឹងទំហំចរាចរទិន្នន័យ (junk traffic) ប្រមាណជា 200Gbps ដែលប៉ាន់ស្មានទៅប្រមាណជា មនុស្ស 200 billion នាក់សម្រុកចូលទៅកាន់ទីតាំងអ្នករៀងរាល់វិនាទី។ វាមានទម្រង់ជាការវាយប្រហារ DDoS បែបថ្មីមួយ ដែលត្រូវបានស្គាល់ថា Tsunami SYN flood ប៉ុន្តែអ្នកវាយប្រហារបានបង្ហាញនូវភាពបត់បែននៅក្នុងវិធីសាស្ត្ររបស់ខ្លួន ហើយធ្វើការផ្លាស់ប្តូរយ៉ាងរហ័ស។
ចរាចរទិន្នន័យដែលមិនបានការទាំងនោះ (garbage traffic) ចេញមកពីមាស៊ីនមេជាច្រើនពាន់គ្រឿងនៅជុំវិញពិភពលោក ដែលកត់សំគាល់មកពី LeaseWeb B.V., Hetzner Online AG, PlusServer AG, NFOrce Entertainment BV, Amazon and Comcast networks.
តើនរណានៅពីក្រោយការវាយប្រហារនេះ?
ការវាយប្រហារបែប DDoS គឺជាបទឧក្រិដ្ឋនៅក្នុងប្រទេសភាគច្រើន ហើយធ្វើឲ្យក្រុមហ៊ុនបាត់បង់នូវកេរ្តិ៍ឈ្មោះ ហេតុដូច្នេះហើយ បានជាអ្នកវាយប្រហារតែងតែ ធ្វើការលាក់នូវដានរបស់ខ្លួនឲ្យបានល្អតាមតែខ្លួនអាចធ្វើបាន។ វាអាចមកពីរដ្ឋាភិបាលមិនពេញចិត្តនឹង Telegram ប៉ុន្តែមើលទៅទំនងជាមកពីការមិនពេញចិត្តនៃ ដៃគូប្រកួតប្រជែងច្រើនជាង។
មកដល់ពេលនេះ យើងដឹងថា ការវាយប្រហារគឺត្រូវបានធ្វើឡើងចេញពី East Asia ។ យើងសង្កេតឃើញថា មានការកើតឡើងនូវការចុះឈ្មោះមកពី South Korea នៅក្នុងពីរសប្តាហ៍មុននេះ។ ពេលចុងក្រោយដែលយើងទទួលរងការវាយប្រហារ DDoS គឺនៅក្នុងខែកញ្ញា ឆ្នាំ២០១៤ នៅពេលដែលមាន ការបែកធ្លាយនូវករណីឯកជនភាពនៅក្នុង South Korea (ហើយយើងទទួលបានការចុះឈ្មោះជាច្រើនផងដែរក្នុងពេលនោះ មកពី South Korea)។
យើងក៏ដឹងព័ត៌មានដែរថា មានក្រុមហ៊ុនមួយចំនួនមិនពេញចិត្តនូវសេវាកម្មថ្មីរបស់យើងដែលអនុញ្ញាតឲ្យ វិចិត្រករទាំងអស់ធ្វើការបង្កើតនូវ រូបភាព stickers ដោយឥតគិតថ្លៃសម្រាប់អ្នកប្រើប្រាស់។ ក្រោយរយៈពេល ២សប្តាហ៍បន្ទាប់ពីដំណើរការនូវសេវាកម្មថ្មីនេះ ម៉ាសីុនមេ Telegram ត្រូវបានទទួលរងការវាយប្រហារ DDOs ដែលប៉ៈពាល់តែតំបន់ Asia Pacific ប៉ុណ្ណោះ។
ប្រភព៖ https://telegram.org/blog/ddos